Бэҕэһээ, Өрөспүүбүлүкэ выпускниктарын түмсүүлэрин активистара Нам улууһун, Үөдэй уонна Модут нэһилиэктэригэр субботниктаан кэллибит. Ол быыһыгар Үөдэй оскуолатын бүтэһик чуорааныгар ыҥырыылаах ыалдьыт буоламмыт кыттыыны, ыллыбыт. Түмсүү салайааччыта Альберт Соров оҕолорго бүтэһик чуораанынан эҕэрдэлээн туран олох киэҥ аартыгар үктэнэллэригэр сүбэ-ама, алгыс тылын эттэ. Ыам ыйа 25 күнэ Ил-Дархаммыт уурааҕынан оһуохай күнүнэн биллэриллибитинэн сибээстээн, онно тоҕуоруспут дьону барыларын оһуохайга ыҥырдылар. Тиһэх чуораан чугдаарда. Бүтэһигэр Альсия Иванова флешмоб үҥкүүлэттэ, уопсай хаартыскаҕа түстүбүт. Ол кэннэ КСК-ҕа итии буотарах миининэн, алаадьынан итии чээйинэн күндүлээтилэр. Сып сап аһаан баран үлэ фронугар тарҕастыбыт. Сорох группа Модутка Татьяна Сивцева ыҥырыытынан көмөҕө бардылар. Үөдэйгэ хаалбыттар сыалбыт-сорукпут бөһүөлэк тас өттүн 7км ыраастааһын, бөҕү тиэйии. Киэһээ 19:00 чааска дылы күргүөмнээх үлэ буолла. Ол кэннэ КСК-ҕа үлэни түмүктээн ужиннаатыбыт. Нэһилиэк главата, Иван Васильевич Гаврильев, махтал тылын эттэ, элбэх санаа атастаһыыта буолла. Бу бастакы субботникпытыгар уопсайа 28 киһи кытынна. Өссө даҕаны субботниктар буолуохтара, бары выпусктар көхтөөх кыттыыны ылыахтара диэн эрэнэбит!